Teoría del Apegu

La teoría del apegu ye una teoría sicolóxica que describe'l vínculu emocional que se forma ente un guah.e y sos figures d'apegu principales, xeneralmente los pas o cuidadores. Foi desarrollada pol sicólogu británicu John Bowlby na década de 1960.

Según la teoría del apegu, los neños tienen una necesidá innata de formar vínculos con sos cuidadores. Estos vínculos proporcionan a la reciella seguridá, proteición y confianza. Cuando un neñu o neña siente mieu o angustia, busca a so figura d'apegu pa obtener consuelu y apoyu.

Etapes del Apegu:

1. Pre-apegu (0-3 meses): los bebés amuesen señales p'atraer a sos cuidadores (llantu, rises) pero aún nun amuesen una preferencia marcada por una persona específica.
2. Apegu en ciernes (3-6 meses): entamen a mostrar preferencia por cuidadores primarios.
3. Apegu claro (6-24 meses): los neños busquen activamente'l contautu con sos cuidadores y pueden esperimentar ansiedá de separación.
4. Formación de rellaciones recíproques (a partir de los 2 años): col desarrollu del llinguax, los guah.es entienden que los pas volverán y pueden negociar momentos de separación.

Tipos d'Apegu:

1. Apegu Seguru: la reciella amuesa angustia cuando'l cuidador marcha, pero son consolables al regresar.
2. Apegu Inseguru-evitativu: la reciella parece indiferente hacia'l cuidador y nun amuesen angusttia significativa na so ausencia.
3. Apegu Inseguru-ambivalente/resistente: la reciella angústiase intensamente cuando'l cuidador marcha, pero pueden mostrase ambivalentes o resistentes cuando regresa la figura referente.
4. Apegu Desaorganizao: comportamientu desorientao o contradictorio, davezu en neños qu'esperimentaron trauma o negloxencia.

El ciñu, la comunicación, les emociones, los modelos d'intervenciñon como profesionales-sociedá son esenciales na nuesa vida. Yá seya cuando somos guah.inos, como cuando crecemos y somos mayores. En tol nuesu procesu vital, ye importante conocenos dafechu y saber reaccionar en tou tipu situaciones.

Darréu voi pasar a compartir con toos vós, ocho propuestes d'actividá-recursu pa trabayar les emociones nel aula:

1. Círculu d'Emoción: actividaes onde los neños espresen cómo se sienten y por qué. Esto ayudará a desarrollar la empatía y l'entendimientu emocional. (COMUNICACIÓN, ESCUCHA ACTIVA)
2. Xuegos de Rol: permiten a la reciella esplorar diferentes emociones y situaciones nun entornu seguru (EMPATÍA, TRABAYU GRUPAL)
3. Llibros y cuentos: utilizar llibros que falen sobre emociones y rellaciones puede ayudar a la reciella a entender y discutir sos propios sentimientos (COMPETENCIA LLECTORA, COMPRENSIÓN LLECTORA, COMUNICACIÓN)
4. Diarios emocionales: animar a la reciella a escribir o dibuxar sobre sos emociones puede ayudales a procesar tolo que sienten. (COMPETENCIA ESCRITA)
5. Respiración y Téuniques de relaxación: ensseñar a la reciella téuniques de respiración y relaxación pue ayudales a xestionar l'estrés y l'ansiedá. (AUTOCONOCIMIENTU Y AUTOCONTROL)
6. Xuegos cooperativos: estimulan la empatía y el trabayu n'equipu, ayudando a los neños a entender y respetar les emociones de los demás.
7. Discusiones guiades: Conversaciones en grupu sobre diferentes emociones y cómo manexales pueden ser mui beneficioses.
8. Arte y música: les actividaes creatives pa la reciella onde puedan esprear emociones, son beneficioses sobremanera si tienen dificultaes pa verbalizar so situación.

La teoría del apegu ye fundamental n'educación, porque enfatiza la importancia d'un entornu seguru y de rellaciones afeutives estables pal desarrollu emocional y cognitivu de la reciella. Al trabayar les emociones nel aula, los profesionales, educadores pueden fomentar un entornu d'aprendizax más saludable y efeutivu.

Non too son los saberes básicos y hai momentos nos que ye esencial priorizar en salú social, personal y mental de los más pequeños.

¿Qué vos paeció?