Diariu d'una Maestra novata: 01 Navegando la Incertidume

 Diariu d'una Maestra novata

01- Navegando la Incertidume

¡Bones a toos!

Güei quiero abrir el mio corazón y compartir daqué que, toi segura, munchos de vós podéis comprender. Soi una profe novata, recién salida la universidá, con una cabeza enllena suaños y una mochila a poques de tresvertir de duldes. Aventuréme nel mundu la enseñanza col entusiasmu d'una guah.a'l primer día d'escuela, pero tamién cola incertidume qu'acompaña a tolos "primer día de...".

Ye interesante cómo, cuando yera estudiante, siempre pensara que'l profesoráu teníen toles rempuestes. Imaxinaba qu'entraben al aula con un guion perféutamente escritu nes sos mentes y que sabíen esáutamente qué facer en cada situación. Pero la realidá, como toi aprendiendo agora, ye que la enseñanza ye un viax de descubrimientu constante.

Dende'l mio primer día frente a un grupu d'estudiantes, m'enfrenté a entrugues que nun tenía les rempuestes preparaes. Experimenté esos momentos de silenciu incómodu nos qu'esperaba que dalguién, n'algún llugar, me diera un "manual secretu d'enseñanza". Pero a midida qu'avanzo na mio carrera, toi entamando a abrazar la incertidume.

Con esta nueva compañera "La incertidume", descubrí, que ye la causante la maxa la enseñanza. Ye l'espaciu onde la creatividá espolleta y onde les soluciones innovadores nacen de la necesidá. Aceutar que nun tengo toles rempuestes me convirtió nuna aprendiz contínua, dispuesta a crecer y adautame.

Davezu, siéntome como si estuviera caminando por una cuerda fina ensin rede de seguranza. Pero cada pasu que doi m'avera un poco más a entender al mio estudiantáu, a atopar el mio estilu únicu d'enseñanza y a descubrir cómo ser una meyor maestra.

Asina que, a toos vós mio collacios novatos, quixera dicivos:

Qu'está bien sentise perdidos. Pero, nun tamos solos nesta montaña rusa educativa. A midida qu'enfrentemos los desafíos, recordaremos que cada obstáculu ye una oportunidá de crecimientu. Sigamos alantre, con valentía y pasión, dispuestos a deprender de los nuesos errores y celebrar los nuesos logros.

La incertidume puede ser aterradora, pero tamién puede ser el terren fértil onde medrar como maestros y maestres más inspiradores. Y, dempués de too, ¿Qué sedría de l'aventura de la enseñanza ensin un pocoñín d'emoción ya incertidume?

Hasta la prósima, compañeros docentes novatos. ¡Sigamos adelante xuntos!

Con muncho ciñu,

La Maestra Novata.